Íslandsmót í bardaga

  • 15. mars, 2012

 Íslandsmót í bardaga

Íslandsmótið í bardaga verður haldið í íþróttamiðstöðinni á Ásbrú, Reykjanesbæ, sunnudaginn 25. mars n.k. Íþróttahúsið er staðsett við mót Flugvallarbrautar og Grænásbrautar á Ásbrú

Keppnisgjaldið er 2500 kr.

Reynt verður eftir fremsta megni að halda flokkum jöfnum miðað við kyn, aldur, þyngd og belti. Mótsjórn er með viðmið fyrir alla flokka sem reynt verður að fylgja en mun þó ávallt vera háð skráningu. Ef sameina þarf munu tilkynningar vera sendar á þjálfara viðkomandi iðkenda.

Beltaflokkar

Reynt verður að hafa tvo beltaflokka. Annar flokkurinn að 5. geup (rauð rönd) og hinn flokkurinn rautt belti og hærra. Mótsjórn áskilur sér rétt til að sameina flokka þrátt fyrir þessi viðmið ef hún telur þess þörf.

Aldursflokkarnir

Aldursflokkar eru eftirfarandi og miðast við fæðingardag og mótsdag. Mótsjórn áskilur sér rétt til að sameina flokka þrátt fyrir þessu viðmið ef hún telur þess þörf.

Barnaflokkur 12-14 ára

Junior 15-17 ára

Senior 18-29 ára

Superior 30+ (núverandi og fyrrum landsliðsmenn munu keppa í senior flokki þrátt fyrir aldur)