Fjör á Fimleikalíf!

  • 2. maí, 2013

 Fjör á Fimleikalíf!

Í gær 1. maí fór fram mótið Fimleikalíf sem haldið er af Fimleikasambandi Íslands (FSÍ).  Þetta var í fyrsta skiptið sem mót af þessu tagi er haldið fyrir tilstuðlan nefndar innan sambandsins sem heitir ´Fimleikar fyrir alla´.  Á Fimleikalífi er keppt í hópatriðum.

Fimleikafélagið Björk tók þessari nýjun í mótahaldi fagnandi og sendi til þátttöku fjóra hópa (af sjö sem tóku þátt) þ.e. einn gaurahóp í fimleikum, einn parkor hóp og tvo Fitkid hópa.  Mótið var mjög skemmtilegt og fjölbreytt og áhorfendur þó nokkuð margir.  Fitkid hópurinn frá okkur varð í 2. sæti á mótinu og hinir tveir urðu í 3. sæti.

Vonandi eru mót sem þetta komin til að vera en þetta gefur auknum fjölda iðkenda í almennum fimleikum tækifæri á að sýna sig og sjá aðra.

tn_500x_1833-0

Myndin sem fylgir frétt er af parkorhópnum Fimleikafélaginu Björk ásamt þjálfurum sem vakti mikla lukku.