Innanfélagsmót í hópfimleikum – Birta Líf Bjarkarmeistari 2015

  • 21. apríl, 2015

tn_500x_2072-0Innanfélagsmót Fimleikadeildar í hópfimleikum fór fram sunnudaginn 12. apríl.  Á mótinu er keppt í einstaklingskeppni og stúlkur úr meistaraflokki félagsins í hópfimleikum (MH hópnum) tóku þátt.  Keppt er á trampólíni og á dýnu og þátttakendur fá verðlaun fyrir þau áhöld, sem og verðlaun í samanlögðu.

Birta Líf Þórarinsdóttir stóð uppi sem sigurvegari á þessu móti með stigafjöldann 55,6 stig, auk þess sem hún sigraði á báðum áhöldunum.  Í öðru sæti í samanlögðu varð Vigdís Lilja Guðmundsdóttir Jónsson (49 stig) og Embla Rán Andradóttir hafnaði í þriðja sæti (48,7 stig).

InnanfUrslithopfim15

 

Á myndinni má sjá þátttakendur í mótinu, Birta Líf fyrir miðju með bikarinn.  Fleiri myndir af hópnum munu birtast á Facebook síðu félagsins.