Fyrsti Þorgerðardagurinn haldinn hátíðlegur

  • 16. ágúst, 2016

Þann 25. ágúst næst komandi, verður fyrsti Þorgerðardagurinn haldinn hátíðlegur hjá Fimleikafélaginu Björk.

Síðasta haust, í tilefni af 90 ára afmæli Þorgerðar Maríu Gísladóttur, stofnanda félagsins, var ákveðið að halda þennan dag hátíðlegan á hverju hausti, henni til heiðurs.

Það verður opið hús hjá okkur frá 16-19:00 og gefst gestum og gangandi tækifæri til að prufa þær greinar sem í boði eru hjá félaginu.

Opnir prufutímar verða í boði í öllum greinum sem við verðum með á haustönn en þær eru eftirfarandi:
-Áhaldafimleikar stelpur og strákar
-Leikskóla og forskólahópar
-Sýningardans
-Hópfimleikar
-Stökkfimi
-Klifur línu- og án línu (boulder)
-Parkour
-Tækwondo

Allir iðkendur félagsins, foreldrar, gestir og aðrir sem vilja kynna sér starfsemi okkar í vetur eru hvattir til að mæta og prófa hinar ýmsu greinar. Fjölbreyttar stöðvar verða settar upp í allri íþróttamiðstöðinni okkar þar sem hægt er að prófa og spjalla við þjálfara og heitt verður á könnunni.

Við hlökkum til og vonumst til að sjá sem flesta:)