Fimleikar fyrir alla

Fimleikar fyrir alla (FFA) er námskeið sem hentar öllum frá 8-18 ára. Þetta námskeið er tilvalið fyrir iðkendur sem vilja æfa skemmtilega og fjölbreytta íþrótt án þess að keppa í henni. Reynsla í fimleikum er ekki nauðsynleg. Því hentar þetta einnig þeim sem byrja seinna að æfa fimleika.

Á æfingum verður lögð áhersla á grunn í fimleikum, þrek, þol og teygjur. Einnig verður lagt upp úr að iðkendur fái að kynnast hinum ýmsu hliðum sýningarfimleika eins og trampolín, dýna, dans og parkour. Því ættu allir að geta fundið eitthvað við sitt hæfi í heilsueflandi umhverfi.

Skipt verður amk. í tvo aldurshópa, yngri (8-11 ára) og eldri (12-18 ára). Þessir hópar munu æfa 2-3 sinnum í viku í eina og hálfa klukkustund í senn. Báðir hóparnir munu taka þátt á sýningum félagsins en einnig býðst eldri hópnum að taka þátt á Eurogym, fimleikasýningu og -hátíð sem haldin er annað hvert ár. Næst verður það haldið á Íslandi í júlí 2021.