Foreldraráð

– er ráð foreldra og forráðamanna iðkenda í meistara- og keppnishópum hjá Fimleikafélagsinu Björk. Meginmarkmið foreldraráðsins er að styðja við iðkendur í þessum hópum.

Starfsreglur

Foreldraráðið skal skipað 8 – 10 foreldrum/forráðamönnum úr meistara- og keppnishópum og skal hver hópur eiga tvo fulltrúa í ráðinu. Starfið hefst í september með sameiginlegum fundi fimleikastjórnar, foreldraráðs og yfirþjálfara. Á þeim fundi er skipað í ráðið til eins árs í senn og farið yfir verkefni komandi starfsárs.

Hlutverk foreldraráð eru:

Að standa vörð um hagsmuni iðkenda í meistara- og keppnishópum.
Að stuðla að aukinni vellíðan iðkenda bæði í sal og utan hans.
Að efla samskipti milli iðkenda og foreldra annars vegar og stjórnenda og þjálfara hins vegar.
Að stuðla að betri árangri í starfi fimleikadeildarinnar.

Verkefni foreldraráðs á hverju starfsári:

Stendur fyrir a.m.k. tveimur sameiginlegum skemmti- og hópeflisdögum fyrir iðkendur.
Stendur árlega fyrir a.m.k. einu fræðslukvöldi fyrir foreldra og/eða iðkendur.

Einnig kemur foreldraráðið eftir aðstæðum hverju sinni og í samvinnu við aðra foreldra að eftirfarandi verkefnum:

Mótum og öðrum viðburðum félagsins.
Æfinga- og keppnisferðum.
Sjoppurekstri og öðrum fjáröflunum.