Æfingagjöld

Verðskrá fyrir haustið 2017 og vorið 2018, sjá:

Verðskrá-2017-2018

Uppgjör æfingagjalda:

Gjalddagar æfingagjalda er 20 sept. (haustönn) / 20. janúar (vorönn).  Eftir þann tíma mun innheimta æfingagjalda fara fram í gegnum heimabanka forráðamanna og ekki tekið tillit til frístundastyrks.

ATH!  Félagið áskilur sér rétt til að innheimta 10% dráttarvexti og innheimtukostnað (per ár), ofan á ógreidda fjárhæð.

Niðurgreiðslur:
Ath. að Hafnarfjarðarbær veitir frístundastyrk til barna í Hafnarfirði. Það eru foreldrar sem fá hann til ráðstöfunnar og það er á ábyrgð foreldra að fylgjast með því hvort hann sé nýttur eða ekki. Fimleikafélagið Björk hefur ekki þær upplýsingar sem þarf til að vita hvort barn á rétt á styrk eða ekki.  Bærinn greiðir aðeins með einni tómstund og það getur verið að barn sé að nýta styrk annarstaðar og eigi því ekki rétt á styrk vegna iðkunnar hjá félaginu.

Uppgjör æfingagjalda fer fram í gegnum Nóra greiðslukerfið, sjá þægilegustu tengla hér:
–  Til að sækja um leið um niðurgreiðslur frá Hafnarfjarðarbæ farið inná ‘Mínar síður‘.
–  Einnig hægt að fara beint inná Nóra kerfið hér! Hér geta íbúar í öðrum sveitarfélögum sótt um niðurgreiðslu.

Inni í Nóra uppgjörskerfinu eru þrír möguleikar í boði við uppgjör æfingagjalda:

a) Kreditkort:  Ef valið er að greiða með kreditkorti er hægt að dreifa greiðslum á þann fjölda tímabila sem gefin er upp í valmynd.

b) Greiðsluseðill:  Ef greiðsluseðill er valinn þá kemur í heimabanka viðkomandi greiðsluseðill um hver mánaðarmót í samræmi við þann fjölda greiðslna sem valið er.

c) Debetkort:  Hægt er að skrá greiðslu á debetkor ef debetkortið er af nýrri gerðinni og 4 x 4 stafa númer er prentað á framhliðina.  Þá er gengið frá greiðslu líkt og skráning á kreditkorti sé að ræða.

Viljið greiðandi koma athugasemdum á framfæri um æfingagjöld, t.d. véfengja upphæð gjaldanna eða tilvist, sendið þá fyrirspurn á fbjork@fbjork.is eða hafið samband við skrifstofu á auglýstum skrifstofutíma.

Ekki ganga frá greiðslum fyrr en búið er að leysa úr ágreinings/vafamálum.

 

Reglur um innheimtu æfingagjalda:

a)  Gjalddagi æfngagjalda er 20. sept. (haustönn) / 20. janúar (vorönn).
b)  Iðkendur geta ekki hafið æfingar á námskeiði (önn/sumarnámskeið) né tekið þátt í mótum fyrir hönd félagsins nema vera skuldlausir við félagið eða hafa áður samið um uppgjör eldri skulda.
c)  Æfingagjöld eru fyrir heil námskeið.  Hætti iðkandi fyrir lok námskeiðs fær hann því ekki endurgreitt, nema rök knígi á um annað.
d)  Hefji iðkandi æfingar á miðju námskeiði greiðir hann æfingagjöld hlutfallslega frá fyrstu æfingu.
e)  Fimleikafélagið Björk áskilur sér rétt til að fella niður námskeið og endurgreiða iðkendum, ef ekki fæst næg þátttaka.
f)  Hafi félagið fengið staðfestingu á því að iðkendi ætli að taka þátt í tilteknu námskeiði (þar sem stundarskrá liggur fyrir) en hann mætir síðan ekki, áskilur félagið sér rétt til að innheimta 1/5 hluta námskeiðsgjalda hjá viðkomandi.
g)  Foreldrar/forráðamenn þurfa að ganga frá greiðslum æfingagjalda í gegnum ‘Nóra’ uppgjörskerfið. Til að nýta niðurgreiðslu þurfa Hafnfirðingar að fara inn í kerfið í gegnum „Mínar síður“ á hafnarfjordur.is en íbúar úr öðrum sveitarfélögum geta farið beint í gegnum bjork.felog.is.  Gjaldið sem greitt er í greiðslukerfinu er mismunur á verði fyrir námskeið og niðurgreiðslunni sem iðkandinn fær. Styrkurinn miðast við að iðkandinn stundi íþróttina á æfingatímabilinu. Gefi kerfið þær upplýsingar að viðkomandi eigi ekki rétt á styrk, vinsamlegast hafði samband við skrifstofu áður en gengið er frá greiðslum.
h)  Fjölskylduafsláttur er 10% (samtals verð fyrir alla fjölskyldumeðlimi x 0,9), og kemur fram í greiðslukerfi Nóra.  Kerfið virkar þannig að allur afslátturinn kemur inná einn fjölskyldumeðlim.
i) Byrjendum er boðið uppá einn prufutíma án endurgjalds.  Þjálfari hóps eða yfirþjálfari þurfa að gefa samþykki fyrir prufutíma.